Vottanir

Sjálfbær uppskera

Merkingar eru í samræmi við alþjóðlegar og íslenskar vottanir
Merkingar eru í samræmi við alþjóðlegar og íslenskar vottanir

Þörungaverksmiðjan hefur leitast við að slá þang og þara í samræmi við vísindalegar niðurstöður um vaxtarhraða sjávargróðurs. Þang er slegið yfir við vaxtarbroddi eða klippt svipað og runni. Reynsla og staðþekking sláttumanna, þekkt landamörk jarða og samvinna við bændur kringum Breiðafjörð er mikilvæg undirstaða við stjórnun á slætti og þangtekju. 

Á árinu 2017 voru gerðar uppskerumælingar á vegum hins þekkta þörungafræðings Glyn Sharp, auk þess sem Hafrannsóknastofnun metur heildarmang lífmassa í Breiðafirði og gefur út ráðgjöf um aflamagn. Hafdís Sturlaugsdóttir hefur aðstoðað við rannsóknir. María Maack hefur einnig tekið saman skýrslur um meðafla með þang og þaratekju. 

Þessa reynslu og hvernig uppskera hefur haldist jöfn og stöðug áratugum saman er grunnur að árlegri vottun um sjálfbæra uppskeru fyrir alþjóðlegan markað á vegum OTCO. Fulltrúar taka út starfsemina árlega og gefa út vottorð í samræmi við niðurstöðuna

Karl Gunnarsson stundaði doktorsrannsóknir á stórþara í Breiðafirði upp úr 1975. Í ritgerð hans er því lýst að þari vaxi alla æfi frá stöngulenda. Næringin sest í stilkinn að vetri til og blaðkan endurnýjar sig frá stilkenda. Að jafnaði trosnar einnig ofan af hverri blöðku. Þetta fer þó mikið eftir vaxtarskilyrðum, t.d hafróti og næringarforða í sjó. Gengið er út frá því að fjögurra ára gamall þari bæti ekki lengur við þunga sinn heldur  slitni jafnmikið og hann vex.