Sveitungar, starfsmenn og fjölskyldur þeirra. Gleðilieg jól og farsælt komandi ár. Enn einu sinni fögnum við slysalausri tíð. Þökk sé ykkur öllum. Njótið mesta skammdegisins með fjölskyldum og vinum. Með kveðju frá Finni og Stuart.
Á undanförnum árum hafa Kredit info og Viðskiptablaðið veitt fyrirtækjum á Íslandi viðurkenningu fyrir góðan rekstur, skilvirni og fagmennsku.
Góð tíðindi berast frá umhverfisvöktun. Þrávirk lífræn efni fara minnkandi í umhverfinu. Þungmálmar hins vegar standa nokkurn veginn í stað, enda eru þeir taldir koma frá okkar spræka eldfjallalandi við veðrun bergs.
Einnota plast getur lent i sjónum. Oftast brotnar það einnig niður í örfínar trefjar sem geta þvælst í tálkn fiska. Thorverk ákvað nýlega að ganga til samstarfs við Silfraberg sem selur þunnt pökkunarplast sem er sterkt, niðurbrjótanlegt og endurvinnanlegt.
Hæfileg auðlindanýting er Þörungaverksmiðjunni hjartans mál. Á sama hátt er mengun og úrgangsmál mikilvæg. Grettir og prammar nota dísil olíu í ferðir og slátt svo að þrátt fyrir notkun jarðvarma í þurrkun þá er útblástur koltvísýrings talsverður á hverju ári.
Stundum er veðrið bara of gott. Ef hitastigið fer upp undir 20°C og allir að hamast í löndun þá er einfaldlega ekki hægt að vinna endalaust án þess að njóta. Se betur fer á Þörungaverksmiðjan gott grill. Heimir brá á það ráð að skreppa í búðina og keypti upp allar pylsur og lambasneiðar. Svo tók Viktor að sjálfsögðu við töngunum og grillaði út og suður ofan í allt liðið.
Svona eiga sumardagar að vera. Gott veður, góður matur, góður félagsskapur. - Já og takk Sigga hans Heimis fyrir glæsilegt kartöflusalat.
Aðalfundur Þörungaverksmiðjunnar hf. verður haldinn föstudaginn 20. ágúst kl 13 á skrifstofu félagsins í Karlsey á Reykhólum.
Á dagskrá eru venjuleg aðalfundarstörf samkvæmt samþykktum félagsins.
Hjá Þörungaverskmiðjunni er það árviss viðburður að nýtt starfsfólk kemur í sumarbyrjun eins og farfuglarnir með vorið. Nú hefur bæst í hópinn margt nýtt starfsfólk sem hér með er kynnt til sögunnar.
Við komu sumars, síðustu viku í apríl, hófst þangsláttur hjá í Þörungaverksmiðjunni.
