Allt gengur vel með undirbúning og gangsetningu þangvertíðar. Enn er búið að skipta út skaptinu og hausunum á hömrunum og prammarnir líta vel út. Karlsey var í slipp í Njarðvík í lengri tíma og kom uppstríluð til baka.
Árið 2023 var meðal farsælustu ára í rekstri Þörungaverksmiðjunnar. Sem betur fer náðist megin markmiðið; engin slys eða meiðsli urðu á starfsmönnum eða verktökum. Það er í samræmi við að hafa öryggi starfsmanna ávallt í fyrirrúmi og mikið er lagt upp úr stöðugri þjálfun og þátttöku starfsmanna í öryggismálum.
Enn er mottumars. Og sokkarnir komnir í hús. Í ár eru karlar hvattir til að hreyfa sig við öll tækifæri sem gefast. Sumir fara í kvöldfótbolta, aðrir ganga heim. Allir hafa gott af því að hreyfa sig.
Nú hafa flest tæki verið flutt af hafnarkantinum. Verktakarnir eru langt komnir með að ganga frá. Enn vantar þó hlífðarkápuna og alla polla. Færa þarf ljósastaura og breikka heimkeyrsluna.
Unnsteinn Birgisson er flinkur að taka myndir með drónanum sinn. Á undanförnum misserum hefur hann gert eins konar myndaseríu um breytingar á höfninni við Reykhóla.
Það þarf ekki að fræða íbúa sveitarfélagsins um vegalagningar á svæðinu. En það er gaman að sjá firðina, sjóinn og fjöruna frá nýju sónarhorni. Enn kemur á óvart hve klóþangið er útbreitt. innan við rifjur og flúrur vex það einnig í Djúpafirði í þykkum breiðum.
Enn er verið að vinna í hafnarköntunum á Reykhólum. Nú er verið að reka niður þil að austanverðu og flest vandamál eru þegar yfirstigin. Það er varasamt að fara of langt fram eftir bryggju því verkfæri og ýmsilegir aukahlutir liggja á víð og dreif.
Eggert Ólafsson, ættaður frá Skarði á Skarðsströnd var að kveðja. Í það minnsta i bili!
Eins og annars staðar á landinu vantar stöðugt starfsfólk, ekki síst þegar unga fólkið snýr aftur í skóla. Í haust hefur bæst við nýtt vinnufólk. Þau eru frá Þýskalandi, Lettlandi, Úkraíu og Póllandi.
Enn er unnið er að lagfæringu og uppfærslu á höfninni á Reykhólum. Það hætta sér ekki margir fram á bryggju til að verða ekki fyrir stórum vinnutækjum verktaka. En Unnsteinn Birgisson er einkar lunkinn við að taka drónamyndir af athafnasvæðinu.
