Það er alltaf gaman að skoða myndirnar hans Unnsteins af framförum á bryggjunni. Nú er verið að steypa bryggjugólfið.
Steypan er flutt alla leið frá Borgarnesi, 153 kílómetra. Bílarnir hafa fengið að nota vogina innan girðingar hjá Þörungaverksmiðjunni til þyngdarmælinga. Bryggjan er miklu breiðari en fyrr og pláss til að snúa við og athafna sig með stórum tækjum er miklu betri en var.
Á Reykhólum er bátasafn. Þar er breiðfirski súðbyrðingurinn hafður í heiðri og allir bátir safnsins hafa verið skráðir samkvæmt safnareglum. Margir bátanna eru úr smiðjum Breiðafjarðareyja og eru að jafnaði grunnir, alhliða bátar. Ein gersemin, tólfæringurinn Egill hefur nú verið sóttur og stendur hann framan við hlunnindasýninguna á Reykhólum.
Þetta seiglast í rétta átt. Nú er búið að leggja rör og lagnir niður eftir veginum og út á Bryggjuhæl. Brynjólfur Smárason kom til að redda lögnum, svo að ekki yrðu enn meiri tafir á fra´gandi bryggjunnar.
Þegar vindurinn hægir ögn á sér fara starfsmenn Þörungaverksmiðjunnar saman í hópum til að gróðursetja. Fyrst var sett niður norð-austan við Álftaland og vestan við Grundará. um 266 plöntur Síðan í skipulagða landið á Höllustöðum.
Thorverk auglýsti nýlega stöðu auðlindastjóra. Í starfinu felst alls kyns umsjón með rannsóknum, skýrslum um stöðu mála, undirbúningur vottana, úrgangsmál, nýjungar, fræðsla, og fleria og fleira. Hver sá eða sú sem hefur áhuga á praktískri náttúrufræði með sjávarnytjar í huga ætti að sækja um. Við erum við Breiðafjörð, eitthvert fegursta svæði landsins. Auglýsingin er hér með betri umfjöllunu um staðinn og stöðuna.
IFF er stærsti eigandi Þörungaverksmiðjunnar.
Nýlega gaf IFF út ársyfirlit. Þar er tvívegis minnst á Thorverk og einungis vegna framúrskarandi frammistöðu.
Þörungaverksmiðjan á Reykhólum verður með kynningu á 5. ráðstefnunni um þörunga og heilsu í lok maí.
Ráðstefnan er haldin annað hvert ár og þar eru kynntar niðurstöður rannsókna um úrvinnslu alls kyns þörunga fyrir lyfjaiðnaðinn og til heilsbóta á ýmsan hátt. Kennd er matreiðsla þörunga og gefið smakk.
Þörungamiðstöð Íslands verður kynt, en hún var stofnuð 2022 á Reykhólum og er ætla að vera aðsetur rannsókna og úrvinnslu á þörungum. Verið er að setja í stand húsnæði og kaupa tæki sem nýtast við vöruþróun og rannsóknir.
Allt gengur vel með undirbúning og gangsetningu þangvertíðar. Enn er búið að skipta út skaptinu og hausunum á hömrunum og prammarnir líta vel út. Karlsey var í slipp í Njarðvík í lengri tíma og kom uppstríluð til baka.
Árið 2023 var meðal farsælustu ára í rekstri Þörungaverksmiðjunnar. Sem betur fer náðist megin markmiðið; engin slys eða meiðsli urðu á starfsmönnum eða verktökum. Það er í samræmi við að hafa öryggi starfsmanna ávallt í fyrirrúmi og mikið er lagt upp úr stöðugri þjálfun og þátttöku starfsmanna í öryggismálum.
