Þar sem höfnin á Reykhólum er í lamasessi þá kemst hið árlega þörungamjöls-flutningaskip ekki að bryggju. Þess í stað eru turnarnir tæmdir í mjölgáma og ekið til Hólmavíkur.
Það er alltaf gaman að sjá meiri fjölbreytni í starfsmannahópnum. Tvö hafa nýlega bæst við sumstarstarfsfólk: Matilda og Michael. Hér eru þau ásamt Sigurvini að þrífa hráefnisplan og aðkeyrslur í hásumarblíðunni. Þangvertíð er í fullum gangi.
Dagana 22-26. júní 2023 fóru kafarar með bátnum Skeley á nokkur þekkt slæðingarsvæði þara á Breiðafirði. Þörungaverksmiðjan hefur nýtt þessi dreifðu svæði allt frá 1985 í samræmi við sams konar rannsóknir sem Dr Karl Gunnarsson gerði. Greining hans og niðurstöður hafa verið notaðar sem viðmiðunarrammi fyrir uppskeru og sláttuaðferðir Þörungaverksmiðjunnar frá þessum tíma. Talið er að uppskerubúnaðurinn gegni mikilvægu hlutverki í því að velja fullvaxna þaraþöngla en að skilja við botninn í góðu ástandi. Niðurstöður Karls birtust í Riti Fiskideildar Vol. XII No. 1, Hafrannsóknaastofnun, 1991)
Hjá Þörungaverksmiðjunni er notuð heimafengin leið til að binda klotvísýring sem kemur árlega frá starfsemi verksmiðjunnar.
Í ár keypti Þörungaverksmiðjan 3.200 tré. Starfsmenn iðjuversins (20 manns í 2 daga) fara í hópi með leiðtoga til að gróðursetja öll þessi tré. Fjöldi trjáa er reiknaður í samræmi við fáanlegar plöntur, og bindingarreiknivélar Kolviðar. Kolviður er íslenski kolefnissjóðurinn, þar eru reiknivélar sem sýna hvernig á að áætla kolefnisbindingu miðað við hversu mikla eldsneytislosun þú vilt draga úr. Landið sem notað er til gróðursetningar tilheyrir sveitarfélaginu og er á leigu hjá Skógræktarfélaginu Björk til 100 ára, 1951 -2051. Íbúar Reykhólahrepps hafa að sjálfsögðu gróðursett frá 1951. Einhver hæstu tré Vestfjarða eru í Barmahlíðarskógi og nú heldur Þörungaverksmiðjan uppi merkjum til að hylja land og koma í veg fyrir rof.
Nýlega kom Gettir úr slipp. Í skipinu er nú bæði nýr lestunarkrani og landgangur sem nær milli skips og bryggu þótt fjari út og inn á meðan skipið liggur í höfn.
Veturinn 2022-2023 hafa stórtæk vinnutæki frá Borgarverki verið á stöðugu sveimi eftir hlaðinu og hafnargarðinum við Reykhóla. Verið er að breikka og lengja hafnarkanta, dýpka legupláss og innsiglingarálinn. Verktakarnir og starfsmenn verktakans hafa átt góð samskipti og hefur skipting vinnusvæðis gengið árekstralaust.
Haust og vetur 2022-2023 standa yfir breytingar og bætur á Reykhólahöfn. Vðgerðir og uppfærsla var á áætlun í ár, en eitthvað verða framkvæmdir meiri en til stóð, vegna þess að hluti kantsins hrundi við dýpkun á rennunni inn í hafnarkjaftinn.
Siðasta dag ágústmánaðar var farið með um 300 kg af þangi til Skagastrandar til frekari úrvinnslu. Þar er fyrir Steindór Haraldsson og á hann sem og Bio-Pól á staðnum ýmis nytsamleg tæki til að vinna þangið á viðeigandi hátt. Hökkun og blöndun, fínhökkun og síun er meðal þeirra skrefa sem þangið fer í gegnum.
Bryggjan á Reykhólum er í stanslausri notkun. Það var því talsvert áfall að koma að bryggjunni um morguninn 26. júlí. Í ljós kom að um nóttina hafði þilið að sunnaverðu gefið sig. Bryggjukanturinn með pollum, netaborði og samanbrotnum þangpokum var allt farið í sjóinn.
Í vor koma nýir og fyrri starfsmenn aftur inn í þangvertíð. Að þessu sinni einungis sprækir ungir karlmenn.
